Ich han mal es chlises Experimänt gmacht...
Zuetate: Styropor (alti verpackig vumene bett) und Aceton (gits inere drogerie)
Ich han ine leeri Büchse (Ravioli) öpe 5mm höch Aceton inegfült und den nach und nach Styropor stückli woni abbroche han inegheit bis es keis neus Styropor me ufglöst het und au kei Flüssigkeit me i de Büchse gsi isch.
S Resultat isch en gliberigi masse (Aceton isch Hutreizend und ustrochnend, am beschte händsche bruche oder am schluss guet d händ wäsche und mit viel handcreme ischmiere) womer nach beliebe chan forme und den uströchne la (bi mir isch ca 4 Täg gange), je nach dicki chans echli länger ga.
Je me mehr uf dem zügs umedruckt, je me luft chunt natuerlich i die masse ine was de Härtegrad vum trochene plastik beiflusst.
Bim nächste versuech, wirdi mal en richtigi form usprobiere, also es ghüs für en ET-Prototyp herstelle und de gani vorgang natürli schön mit Fotis dokumentiere...

Die ganz Theorie dehinderd finded mer wemer echli mit em google denach suecht...
Aceton isch en Weichmacher also kei süri und mi macht s styropor weich und bringt so d Luft use (wills ja eigentlich ufgschumete plastik isch) und het somit nacher wen s Aceton wieder verdampft isch en feschti masse.